ಹುಚ್ಚು ಕೋಡಿ ಮನಸು 2

ಕಳೆದ ಭಾನುವಾರದಿಂದ ಮೂರುದಿವಸ ರಮಧಾನ್ ರಜೆ ಇರುತ್ತದೆ ಎಂದು ತಿಳಿದಾಗ ಪಟ್ಟ ಸಂಭ್ರಮ ಹೇಳಿ ತೀರುವುದಲ್ಲ.
ಮೂರೂ ದಿನಗಳನ್ನೂ ಕ್ಷಣವೂ ಹಾಳಾಗದಂತೆ ಅನುವಿಸಬೇಕು ಎನ್ನುವ ಉದ್ದೇಶದಿಂದ ನಾಲ್ಕು ದಿನಗಳ ಮೊದಲೇ ಪ್ಲಾನ್ ಮಾಡಿ ಆಗಿತ್ತು.

ಮೊದಲ ದಿನ ಮುಸೈದ್ ಎನ್ನುವ ಸಮುದ್ರ ತೀರಕ್ಕೆ ಹೋಗುವ ನಿರ್ಧಾರವಾಗಿತ್ತು ಅದರಂತೆ ನಾನು, ಶಾಮ ಕಾರ್ತೀಕ ಹಾಗು ಕಾಕಾ (ನಮ್ಮ ಹಿರಿಯ ಸ್ನೇಹಿತರು) ಮದ್ಯಾನ್ಹ ಎರಡು ಗಂಟೆಗೆ ಹೊರಟು ನಲವತ್ತು ಕಿಲೋಮೀಟರ್ ದೂರದ ಬೀಚ್ ನಲ್ಲಿ ಒಂದುತಾಸು ಸತ್ತಾಡಿ ನಂತರ ಡೆಸರ್ಟ್ ಬೈಕ್ ಓಡಿಸುವಲ್ಲಿಗೆ ಬಂದೆವು ಹಬ್ಬದ ರಜೆ ಇದ್ದಿದ್ದರಿಂದ ಅಲ್ಲಿ ಜನಸಾಗರವೇ ನೆರೆದಿತ್ತು ಇದ್ದಿದ್ದರಲ್ಲೇ ಒಳ್ಳೆಯ ಎರಡು ಬೈಕ್ ಗಳನ್ನು ಬಾಡಿಗೆಗೆ ಪಡೆದು ಮರಳ ಗುಡ್ಡದ ಕಡೆ ಹೊರಟಾಯಿತು. ನಾಲ್ಕು ಜನರೂ ಡೆಸರ್ಟ್ ಬೈಕನ್ನ ಸುಮಾರು ಎರಡು ತಾಸುಗಳ ವರೆಗೆ ಎನ್ನುವುದಕ್ಕಿಂತ ಕತ್ತಲಾಗುವವರೆಗೆ ಓಡಿಸಿ ಖುಶಿ ಪಟ್ಟಿದ್ದಾಯಿತು.
ಅದರ ಒಂದು ಸಣ್ಣ ವೀಡಿಯೋ ತುಣುಕನ್ನ ಹಾಗು ಕೆಲವು ಫೋಟೊಗಳನ್ನ ಇಲ್ಲಿ ಹಾಕಿದ್ದೇನೆ.

ದೊಡ್ಡ ಮರಳ ಗುಡ್ಡದ ತುತ್ತ ತುದಿಯಲ್ಲಿದ್ದೇವೆ ಅಪ್ಪಿ ತಪ್ಪಿ ಒಂದಡಿ ಮುಂದೆ ಹೋಗಿದ್ದಿದ್ದರೆ ಮರಳಲ್ಲಿ ಬೈಕ್ ಸಮೇತ ಹುಗಿದು ನಮ್ಮನ್ನ ಹುಡುಕಲು ನಮಗೇ ಆಗುತ್ತಿರಲಿಲ್ಲ.

ಬ್ರೇಕ್ ಮೇಲೆ ಇಟ್ಟ ಕಾಲು ಸಡಿಲವಾದರೆ ಕೈಲಾಸ ಸೇರಬೇಕು ಅಂತಹಾ ಸಂದರ್ಭದಲ್ಲಿ ಆಪ್ತಮಿತ್ರ ದ ವಿಷ್ಣು,ದ್ವಾರಕೀಶ ರ ಹಾಡು "ಗಾಳಿಯನ್ನು ತಡೆಯೋರು ಯಾರೂ ಇಲ್ಲ" ನೆನಪಾಗಬೇಕೇ !!!


ಲಾಕಪ್ ಡೆತ್ ಸಿನಿಮಾದಲ್ಲಿ ರವಿ ಮಾಡಿದ್ದ ಸ್ಟಂಟ್ ನೆನಪಾಯಿತು ಪ್ರಯತ್ನ ಪಟ್ಟೆ.



ಮೊದಲೇ ಗೊತ್ತಿದ್ದರೆ ಜಂಪಾದಾಗ ಒಡೆದು ಹೋಗುವಂತದ್ದನ್ನೆಲ್ಲಾ ಮನೆಯಲ್ಲೇ ಇಟ್ಟುಬರುತ್ತಿದ್ದೆ ಎನ್ನುತ್ತಾನೆ ನಮ್ಮ ನ್ಯಾವಿಗೇಟರ್!


ಕಳೆದ ವರ್ಷ ಹೋದಾಗ ಮಾಡಲಾಗದ ವ್ಹೀಲೀಯಿಂಗ್ ಈಗ ಏಕೆ ಸುಲಭವಾಗಿ ಬಂತು ?ನನ್ನ ಭಾರ ಅಷ್ಟೊಂದು ಹೆಚ್ಚಾಗಿದೆಯೇ?


ಎರಡನೆಯ ದಿನ ಬಹಳಾ ಸುಸ್ತು ಮೈಕೈ ನೋವು ಇದ್ದಿದ್ದರಿಂದ ದೂರ ಎಲ್ಲೂ ಹೋಗದೇ ಪೇಟೆ ಸುತ್ತುವ ನಿರ್ಧಾರದಿಂದ ಒಂದು ಸುತ್ತು ದೋಹಾ ವನ್ನ ಸುತ್ತಿದೆವು. ಅದರ ಕೆಲವು ಫೋಟೋ ಗಳನ್ನು ಕೆಳಗೆ ಹಾಕಿದ್ದೇನೆ.

2006 ರ ಏಶ್ಯನ್ ಗೇಮ್ಸ್ ಗಾಗಿ ನಿರ್ಮಿಸಲ್ಪಟ್ಟ ಓಲಂಪಿಕ್ ಟಾರ್ಚ್ ( ಅಸ್ಪೈರ್ ಟವರ್)


ಸ್ಪೋರ್ಟ್ ಸಿಟಿಯ ಸಮೀಪದ ಸ್ಪೋರ್ಟ್ಸ್ ರೌಂಡ್ ಅಬೌಟ್


ಹೋಟೆಲ್ ಷರಟನ್ ಸಪ್ತತಾರಾ ಹೋಟೆಲ್.


ಖತಾರ್ ಇಸ್ಲಾಮಿಕ್ ಮ್ಯೂಸಿಯಮ್



ಓರಿಕ್ಸ್ ರೌಂಡ್ ಅಬೌಟ್



ಕಾರ್ನಿಷ್ ಪ್ರಾರಂಭದಲ್ಲಿ ಇರಿಸಲ್ಪಟ್ಟ ಕಪ್ಪೇಚಿಪ್ಪು ಹಾಗು ಮುತ್ತಿನ ಮಾದರಿ.



ಕಾರ್ನಿಷ್ ನ ಮದ್ಯಭಾಗದಲ್ಲಿರುವ ಆಕೃತಿ


ಮತ್ತೊಂದು ರೌಂಡ್ ಅಬೌಟ್ ನಲ್ಲಿ ಇರಿಸಲ್ಪಟ್ಟ ಖತಾರ್ ನ ರಾಷ್ಟ್ರಲಾಂಚನ.


ಹೀಗೇ ಸುತ್ತುತ್ತಾ ಸಿಕ್ಕ ಸಿಕ್ಕದ್ದನ್ನೆಲ್ಲ ಸೆರೆಹಿಡಿಯುತ್ತಾ ಅಂದಿನ ದಿನವನ್ನ ಕಳೆದೆವು.



ಮೂರನೆಯದಿನ ಬೆಳಿಗ್ಗೆ ಎಂಟು ಗಂಟೆಗೇ ಹೊರಟು ಇಂಟರ್ ಕಾಂಟಿನೆಂಟಲ್ ಹೋಟೆಲ್ ತಲುಪಿದೆವು ಅವತ್ತು ಅಲ್ಲಿ Jetski (Wave runner) ಓಡಿಸುವ ಉದ್ದೇಶವಿತ್ತು.

ಬೆಳಗಿನ ಸಮಯ ಯಕ್ಕಾಚಿಕ್ಕಿ ಬಿಸಿಲು ಇದ್ದಿದ್ದರಿಂದ ಅಷ್ಟೊಂದು ಜನ ಇರಲಿಲ್ಲ ನಾವು ಒಂದು 1300 cc ಯ YAMAHA
ಜೆಟ್ ಸ್ಕೀ ಯನ್ನ ಬಾಡಿಗೆಗೆ ಪಡೆದು ಸುಮಾರು ಮೂರುತಾಸುಗಳ ಕಾಲ ಅಲೆಗಳ ಮೇಲೆ ಕುಣಿದಾಡುತ್ತಾ ಮಸ್ತೀ ಮಾಡಿದೆವು. ಅದರ ಕೆಲವು ಫೋಟೊ ಗಳೂ ವೀಡಿಯೋಗಳನ್ನು ಇಲ್ಲಿ ಹಾಕಿದ್ದೇನೆ.


ನನ್ನ ಮನೆಯವರ ಫೋನ್ ನಂಬರ್ ಇದೆಯೋ ಒಮ್ಮೆ ಖಾತ್ರಿ ಮಾಡಿಕೋ ಶ್ಯಾಮ !!!!!!!!!!!


1300 cc ಯಮಹಾ ಜೆಟ್ ಸ್ಕೀ ತ್ರೇತೆಯಲ್ಲಿ ರಾಮನಿಗೆ ಸಿಕ್ಕಿದ್ದರೆ ಕಪಿಗಳಿಗೆ ಸಲಾಮ್ ಹೊಡೆಯುವ ಕೆಲಸವೇ ಇರಲಿಲ್ಲ.


ಧೂಮ್ 3 ನಲ್ಲಿ ಅಭಿಶೇಕ್ ಬಚ್ಚನ್,ಆದಿತ್ಯ ಚೋಪ್ರಾ ಇಬ್ಬರಿಗೂ ಖೋಕ್ ಇಬ್ಬರು ಹೊಸ ಹೀರೋಗಳು ಹಾಲೀವುಡ್ ಗೆ,
ವಿಷಯ ತಿಳಿದ ಇಶಾ ಡಿಯೋಲ್ ಈಗಾಗಲೇ ಸೈನ್ ಮಾಡಿ ಆಗಿದೆ.


ನಮ್ಮೂರಿಗ್ ತಕ ಹ್ವಾರ್ ಕೆರೆಬ್ಯಾಟೆ ಮಾಡೂತಾತ್ತು ಅಲ್ದೇ?


ಉಮೇಶ್ ಹೆಗ್ದೇರ್ ಮನೆ ಬುಲೊಟ್ ಗಾಡಿ ಹೋದಂಗೆ ಹೋಕೈತಿ ಹಲೇ ?


ಸುಮ್ಮನೆ ಡ್ಯೂಪಿಗೆಲ್ಲ ಹಣ ಕೊಡುವುದು ಬ್ಯಾಡ ಮಾರಾಯ್ರೆ ಸಿಂಪಲ್ ಉಂಟು ನಾವೇ ಮಾಡ್ತೇವೆ !!!!!!!!!!!!

ಒಟ್ಟಿನಲ್ಲಿ ಮೂರುದಿನ ಕಳೆದದ್ದೇ ಗೊತ್ತಾಗಲಿಲ್ಲ.

(ಪ್ರಕಾಶ್ ಹೆಗಡೆಯವರ,ಶಿವು ಸರ್ ರ, ಮಲ್ಲಿ ಸರ್ ರಷ್ಟು ಒಳ್ಳೆಯ ಚಾಯಾಗ್ರಹಕನೂ ಅಲ್ಲ, ಚಿತ್ರಲೇಖನ ಬರೆದು ಪಳಗಿದವನೂ ಅಲ್ಲ ಇದೊಂದು ಪ್ರಯತ್ನ ಅಷ್ಟೇ !!!!!!!!!!!!!!!!!!!!!!!)

ಚಿತ್ರಕೃಪೆ:- ಶ್ಯಾಮ್ ಹೆಗಡೆ.
ಕಾರ್ತೀಕ್ ನಡಹಳ್ಳಿ.
ಮಂಜುನಾಥ್ ಕೆ ಎಸ್ .