ಕರ್ವಾ ಎಂಬ ಮರೀಚಿಕೆ.

ಮೇಲೆ ರಣ ಬಿಸಿಲು, ಕೆಳಗೆ ಕಾದ ಮರಳು,ಬಗಲಲ್ಲಿ ಬಾರದ ಲ್ಯಾಪ್ ಟೊಪ್ ಬ್ಯಾಗು, ಸಾಲದ್ದಕ್ಕೆ ಡ್ರೈವರ್ ರಜ.
ಟ್ಯಾಕ್ಸಿ ಕಾದು ಕಾದು ಸಾಕಾದಾಗ ಮುತ್ತುಮಾವನ ಚುಟುಕ ನೆನಪಾಯಿತು.
"ಬೆಂಗಳೂರಿನ ಸಿಟಿ ಬಸ್ಸುಗಳೆಂದರೆ ಕಷ್ಟಗಳಿದ್ದಂತೆ ಮಗನೆ|
ತಿಳಿಸಿ ಬಾರವವು ಬಂದರೆ ಒಂದರ ಹಿಂದೊಂದು ಬರುವವು ಮಗನೆ||"


ಅಂದ ಹಾಗೆ ನಾ ಇವತ್ತು ಬರೆಯಲಿಕ್ಕೆ ಹೊರಟಿರುವುದು ಖತಾರೆಂಬ ಮರಳುಗಾಡಿನ ಸರ್ಕಾರೀ ಸ್ವಾಮ್ಯದ "ಕರ್ವಾ"
ಟ್ಯಾಕ್ಸಿ ಯ ಬಗ್ಗೆ.
"ಕರ್ವಾ" ಇದು ಖತಾರಿನ ಸರ್ಕಾರೀ ಸಾರ್ವಜನಿಕ ಸಂಚಾರೀ (ಅ)ವ್ಯವಸ್ತೆ. ಇಲ್ಲಿ ಇದು ಬೇಕಾಗಿರುವುದು ಸ್ವಂತ ಕಾರಿಲ್ಲದವರಿಗೆ ಅಥವಾ ನನ್ನಂತೆ ಬಂದ ಹೊಸತರಲ್ಲಿ ಡ್ರೈವಿಂಗ್ ಲೈಸೆನ್ಸ್ ಪಡೆವುವ ವರೆಗೆ ಮಾತ್ರ ಯಾವುದೇ ಅರಬ್ಬೀ ಇದನ್ನ ನಂಬಿಕೊಂಡಿಲ್ಲ.
ತೊಂದರೆ ಆಗುವುದು ನಮ್ಮಂತವರಿಗೆ ಆದ್ದರಿಂದ ದೊಡ್ಡತಲೆ ಗಳು ಇದರಬಗ್ಗೆ ತಲೆ ಕೆಡಿಸಿ ಕೊಂಡಿಲ್ಲ.
ಹಾಗಂತ ನಿಮಿಷಕ್ಕೊಂದು ಚೋರೀ ಟ್ಯಾಕ್ಸಿ (ಪ್ರೈವೇಟ್ ಟ್ಯಾಕ್ಸಿ) ಗಳಿದ್ದರೂ ಹೆಸರೇ ಹೇಳುವಂತೆ ಕಾನೂನುಬಾಹಿರ ವಾದ್ದರಿಂದಲೋ,ಬಿಲ್ಲ್ ಸಿಗದೇ ಅದನ್ನ ಕೈಇಂದ ಕೊಡಬೇಕಾಗಿರುವುದರಿಂದಲೋ ಏನೋ ಅದರಲ್ಲಿ ಹೋಗಲು ಮನಸ್ಸು ಒಡಂದಡುವುದಿಲ್ಲ.
ಹಾಗಂತ ಕಾನೂನು ಬಾಹಿರವಾದದ್ದನ್ನ ಮಾದಲೇ ಇಲ್ಲ ಎಂದಲ್ಲ ಸುಮಾರು 8 ವರ್ಷ ಗಳ ಕಾಲ DL ಇಲ್ಲದೇ ಕಾರು ಓಡಿಸಿದ್ದೇನೆ.
ಯಾವುದೇ ಕ್ರೆಡಿಟ್ ಕಾರ್ಡ್ ನಲ್ಲೂ ಸರಿಯಾದ ಮಾಹಿತಿ ಕೊಟ್ಟಿರಲಿಲ್ಲ.ಆದರೆ ಈ ದೇಶದಲ್ಲಿ ಕಾನೂನು ಅಂದರೆ law ಗೆ ಸಮಾನ ವಂತೆ ಆದ್ದರಿಂದ ದೈರ್ಯ ಸಾಕಾಗುವುದಿಲ್ಲ. ಇದು ನನ್ನೊಬ್ಬನ ಅರಣ್ಯರೋದನ ಅಲ್ಲ ಇಲ್ಲಿ ಸ್ವಂತ ವಾಹನ ಇಲ್ಲದವರೆಲ್ಲರ ಅಳಲು. ಸುಮಾರು 4 ತಾಸು ಟ್ಯಾಕ್ಸಿಗಾಗಿ ಕಾದದ್ದೂ ಇದೆ. ನೂರುಗಟ್ಟಲೆ ಕಕ್ಕಿದ್ದೂ ಇದೆ.
ಒಟ್ಟಿನಲ್ಲಿ ಇಲ್ಲಿ ಎಲ್ಲವೂ ಇದೆ ಆದರೆ ಯಾವುದೂ ಇಲ್ಲ ಎನ್ನುವ ಪರಿಸ್ತಿತಿ no asker no teller whose fathers knot gose (ಕನ್ನಡದಲ್ಲಿ ತರ್ಜುಮೆ ಮಾಡಿ ಓದಿ) ಎನ್ನುವಂತಾಗಿ ಬಿಟ್ಟಿದೆ.