ಧರ್ಮ ಜಿಜ್ನಾಸೆ.

ನಾನಿರುವ ದೇಶದಲ್ಲಿ ಈಗ ರಮದಾನ್ ಪ್ರಾರಂಭವಾಗಿದೆ ಹಗಲು ಹೊತ್ತಿನಲ್ಲಿ ಆಹಾರಸೇವನೆ ನಿಶಿದ್ದ ಆದರಿಂದ ಆಫೀಸಿನ ಸಮಯದಲ್ಲೂ ಬದಲಾವಣೆಯಾಗಿದೆ.ಅವರು ಉಪವಾಸ ಮಾಡುವುದಲ್ಲದೇ ನಮ್ಮನ್ನೂ ಆ ಪುಣ್ಯದಲ್ಲಿ ಭಾಗಿಗಳಾಗಿ ಮಾಡಲು ಹೊರಡುತ್ತಾರೆ.ನಮ್ಮ ಧರ್ಮದ ಎಷ್ಟೋ ಆಚರಣೆಗಳನ್ನೇ ಕೈಬಿಟ್ಟು ನಾಸ್ತಿಕರಾಗುತ್ತಿರುವ ನಮಗೆ ಆ ಧರ್ಮದ ಆಚರಣೆ ಉಪವಾಸ ಮಾಡಿಸೀತೆ? ಏನೇ ಇರಲಿ ಮದ್ಯಾನ್ಹ 3 ಘಂಟೆಗೆಲ್ಲಾ ಮನೆಸೇರಿ ಬಿಡುತ್ತೇನೆ.ಹೊಟ್ಟೆಗೊಂದಿಷ್ಟು ವ್ಯವಸ್ತೆ ಮಾಡಿಕೊಂಡು ಮಲಗಿದರೆ ಸಂಜೆಯಾದರೂ ಆದೀತು ಮರುದಿನ ಬೆಳಿಗ್ಗೆಯಾದರೂ ಆದೀತು.ಬ್ರಹ್ಮಚಾರಿಗಳ ನಡುವೆ ಬದುಕುವ ನನ್ನಂತ ಬ್ರಹ್ಮಚಾರಿಗೆ ಬದುಕಲು ಒಂದಿಷ್ಟು ಆಹಾರ ಅಫೀಸಿನಲ್ಲಿ ತಲೆಗೊಂದಿಷ್ಟು ಕೆಲಸ ಸಿಕ್ಕಿದರೆ ಸಾಕು.ಮನೆಗೆ ಬಂದರೆ ಹೆಚ್ಚು ಸಮಯ ನಿದ್ರಾವಸ್ಥೆಯಲ್ಲಿಯೇ ಕಳೆದು ಹೋಗುತ್ತದೆ. ಸಂಜೆ ಹೊರಗೆ ಸುತ್ತಾಡೋಣ ವೆಂದರೆ ತಾಪಮಾನ 52ಡಿಗ್ರಿ,ತೇವಾಂಶ 90% ಹೀಗೆಲ್ಲಾ ಇದ್ದು ರೂಮಿನಲ್ಲಿ ಕುಳಿತು ಚಾಟಿಗೆ ಯಾರೂ ಸಿಗದಿದ್ದಾಗ ನಿದ್ದೆಯ ಮೊರೆ ಹೋಗುವುದು ರೂಡಿ.
ಹೀಗೆ ದಿಲೀಪನ ಜೊತೆ ಚಾಟ್ ಮಡುತ್ತಿದ್ದಂತೆ ಒಂದು ಧರ್ಮಜಿಜ್ನಾಸೆ ತಲೆ ಕೊರೆಯಲು ಶುರುವಾಯಿತು.
ನಮ್ಮ ಧರ್ಮದಲ್ಲಿ ಇರುವಂತೆ ಗ್ರಹಗತಿ,ಜಾತಕ,ಪಂಚಾಂಗ ಅನ್ಯಮತೀಯರಲ್ಲೂ ಇರಬಹುದೇ? ಅಥವಾ ನಮ್ಮ ಹುಟ್ಟಿದ ತಾರೀಕು,ಸಮಯ ನೋಡಿ ಜಾತಕ ಬರೆಯುವಂತೆ ಅವರದ್ದೂ ಬರೆಯಬಹುದೇ? ಬರೆದರೆ ಅದು ಸರಿ ಇರಬಹುದೇ ಎಂಬಿತ್ಯಾದಿ ಗಳು ತಲೆಯಲ್ಲಿ ಕೊರೆಯುತ್ತಿವೆ.
ಒಂದೇ ಸೂರ್ಯ ಒಂದೇ ಚಂದ್ರ ಗ್ರಹಗಳು ಒಂದೇ ಆದಾಗ,ಸೂರ್ಯ,ಚಂದ್ರ ಹಾಗು ಗ್ರಹಗಳ ಚಲನೆಯ ಲೆಕ್ಕಾಚಾರದ ಮೇಲೆ ಮನುಷ್ಯನ ಭವಿಷ್ಯ ನಿರ್ಧಾರ ವಾಗುತ್ತದೆ ಎಂದಾದ ಮೇಲೆ ಎಲ್ಲಾ ಧರ್ಮದವರದ್ದೂ ಜಾತಕ ಇರಲೇ ಬೇಕು.ಎಲ್ಲಕ್ಕಿಂತ ಹೆಚ್ಚಾಗಿ ನನ್ನ ತಲೆ ಕೊರೆಯುತ್ತಿರುವ ವಿಷಯ ಚೌತಿಯ ದಿನ ಚಂದ್ರನನ್ನ ನೋಡಿದರೆ ಅಪವಾದ ಬರುತ್ತದೆ ಎನ್ನುವುದು ವಿಚಿತ್ರ ಎನಿಸುವ ವಿಷಯವೆಂದರೆ, ನಮ್ಮಲ್ಲಿ ಇವತ್ತು ಗಣೇಶ ಚೌತಿ ಇವತ್ತು ಚಂದ್ರನನ್ನ ನೋಡಿದರೆ ಅಪವಾದ ಬರುತ್ತದಂತೆ. ಹಾಗಾದರೆ ಮುಸ್ಲಿಮರಿಗೆ ಇದು ಪವಿತ್ರ ರಮದನ್ ಹಬ್ಬ ಸೂರ್ಯೊದಯಕ್ಕೆ ಮೊದಲು ಊಟ ಮಾಡಿದವರು ಮತ್ತೆ ಊಟ ಮಾಡುವುದು ಚಂದ್ರನನ್ನ ನೋಡಿದಮೇಲೆ.ಹಾಗಾದರೆ ಅವರೆಲ್ಲರಿಗೂ ಅಪವಾದ ಬರುತ್ತದೆಯೆ?
ಬಂದರೆ ಅವರು ಶಮಂತಕೋಪಾಕ್ಯಾನ ಕೇಳುತ್ತಾರೆಯೆ? ಎಂಬುತ್ಯಾದಿ ಪ್ರಶ್ನೆಗಳು ತಲೆ ಕೊರೆಯುತ್ತಿದೆ.

ಇಂತಹಾ ಜಿಜ್ನಾಸೆಗಳು ಹುಟ್ಟುವುದು ನನನೇ ಮೊದಲೇನಲ್ಲ ಇದರ ವಿವರಣೆ ಹಲವಾರು ಕಡೆ ಉಲ್ಲೇಕಿಸಲ್ಪಟ್ಟಿರಬಹುದು. ಓದುವ ಅಬ್ಯಾಸ ಗಳನ್ನ ಚಿಕ್ಕಂದಿನಲ್ಲೇ ಬಿಟ್ಟಿರುವುದರಿಂದ ಪ್ರಶ್ನೆ ಹುಟ್ಟಿದ ಮರುಕ್ಷಣ ಹೀಗೆ ಗೊತ್ತಿದ್ದವರಲ್ಲಿ ತಿಳಿದು ಕೊಳ್ಳುವುದು ನನ್ನ ರೂಡಿ.ತಿಳಿದವರು ಹೇಳಬಹುದೆಂದ ನಂಬಿಕೆ ಇಂದ ಇಲ್ಲಿ ಬರೆದಿದ್ದೇನೆ ಅಭಿಪ್ರಾಯಕ್ಕಾಗಿ ಕಾಯುತ್ತೇನೆ.